iPhone 6 ရဲ့ နောက်ဆုံးရ ကိုယ်ထည်ဓာတ်ပုံများ (Latest Leaked)

စက်တင်ဘာလထဲမှာမိတ်ဆက်ပြသမယ့် iPhone 6 ရဲ့ နောက်ထပ် သတင်းပေါက်ကြားထွက်ရှိလာတဲ့ iPhone 6 ရဲ့နောက်ဘက်ခြမ်း ကိုယ်ထည်အသေးစိတ်ဖြစ်ပါတယ်။

iPhone 6 ရဲ့နောက်ဘက်ခြမ်း Apple Logo နေရာမှာ MacBook တွေလိုပဲ Notification Light မီး ထည့်သွင်းမယ်ဆိုတဲ့သတင်းဟာသေချာသလောက်ဖြစ်နေပါပြီ ။

ယခုပုံအတိုင်းဆိုရင် Apple ရဲ့နောက်ဘက်ခြမ်း Apple Logo နေရာမှာ Notification Light ထည့်ဖို့နေရာချန်ပေးထားတာကိုတွေ့ရမှာပါ။ ဖုန်းတွင်း System ပိုင်း ၊ ဆော့ဝဲတစ်ခုချင်းစီရဲ့ Notification တွေကိုအချက်ပြရာမှာ Camera LED Flash အစား Apple Logo မီးနဲ့အချက်ပေးလိမ့်မယ်လို့ယူဆနိုင်ပါတယ်။

Camera အတွက်လျာထားတဲ့နေရာကို ကြည့်ရတာကတော့ Camera Flash မီးနေရာမှာ iPhone 5S တုန်းကလို Dual Flash ပုံစံအနေအထားမဟုတ်တော့တာကြောင့် ဒီတစ်ခေါက် iPhone 6 မှာတော့ Camera ပိုင်းကိုလည်းတော်တော်လေးအဆင့်မြှင့်တင်ထားလိမ့်မယ်လို့ယူဆရပါတယ်။

၎.၇ လက်မ Screen အရွယ်အစားရှိတဲ့ iPhone 6 မှာ 2,100mAh ရှိတဲ့ battery ၊ NFC ၊ Wi-Fi ကိုအဆင့်မြှင့်တင်ထားခြင်းနှင့် dual-core A8 processor တို့ကိုထည့်သွင်းထားမယ်လို့ သတင်းများထွက်ရှိနေပါတယ်။